Sannaan Tech Talk's

News 1

Xiaomi is launching its flagship phone with Dual Camera on Sept,5

​

Xiaomi ne media invites bhej kar confirm kar diya hai ki unka is saal ka flagship ka device 5th Sept ko launch hone ja raha hai. Is baar ke flagship device mein aapko milega dual camera. Rumors ki maane toh is baar Xiaomi Mi6 ko launch nahi karegi because last year launch kiye gaye Mi5 ne kuch kmaal nahi kar dikhaya tha. Isi ko dhyaan mein rakhte hue Xiaomi abhi haal hi mein launch kiye gaye phone Mi5X ko India mein leke aasakti hai. Mi5X under Rs 20,000/- ke segment mein aayga.

​

​

       Xiaomi Mi5X Specifications

​

• Display: 5.5inch Full HD screen

• Processor: Qualcomm Snapdragon 625

• Camera: 12MP+12MP rear camera and 8MP front selfie shooter

• Memory: 4GB RAM and 64GB internal storage

• Battery: 3080mAh

• Fingerprint Scanner

• Dual SIM 4G VoLTE

• NFC

Android 8.0 Oreo is Now Available on Google Phones and Scheduled for Coolpad, Asus, Lenovo And OnePlus Smartphones..

​

Google ne kuch hi din pehle apne major eighth operating system ki news announce ki aur Android Nougat ke baad Android O ka naam rakha gya Android 8.0 Oreo. Is OS ki announcement ke saath hi ye charchaayein bhi shuru ho chuki hain ki Android 8.0 Oreo kab aur kis smartphone par OTA ke zariye dastak dega.

Aaj hum aapko btaane waale hain ki kaun se smartphones Android 7.0 Nougat OS se Android 8.0 Oreo par upgrade hone waale hain.

​

Google ke smartphones Pixel, Pixel XL, Pixel C, Nexus 5x, Nexus 6P par Android 8.0 Oreo abhi se hi uplabdh hai aur OTA dwara upgrade kiya jaa sakta hai. Google ke alawa OnePlus, Samsung, Sony, Asus ke bhi kayi smartphones ke liye Android O schedule kar diya gya hai.

Kuch hi din pehle launch huye Lenovo Killer 8 Note ke liye bhi Android Oreo update schedule kiya gaya hai, halaanki company ne iske liye koi specific date ki announcement nahi ki hai.

Asus Zenfone 4, Zenfone 4 Pro aur last year launch huye Zenfone 3 series ke liye bhi Android Oreo update available hoga. In smartphones par ye update isi saal mein OTA ke through upgrade kiya jaayega,  lekin kuch smartphone users ko ek saal tak ka wait bhi karna pad sakta hai.

​

OnePlus ke mid-range smartphones OnePlus 5, OnePlus 3 aur 3T par bhi Android 8.0 Oreo update aayega lekin kab tak, iski announcement abhi nahi ki gayi hai. OnePlus 3 aur 3T ke liye ye last OS update hoga, iske baad Android P update in smartphones par nahi kiya jaayega.

Saath hi haal hi mein launch huye Micromax Canvas Infinity par bhi ye jaldi hi upgrade hoga aur iski update ki list mein HTC ke bhi kayi smartphones shaamil hain jaise ki HTC U11, HTC 10 aur U Ultra.

Fortunately, agar aapke paas inmein se koi bhi smartphone hai to aap bhi jaldi hi OTA ke through apne smartphone ko Android Nougat OS se Android 8.0 Oreo par upgrade kar sakte hain.

Iske alawa Coolpad Cool Play 6 jo 20th August ko Dubai mein launch hua hai, us par bhi ye update jaldi hi aayega.

Saath hi ye bhi kaha jaa raha hai ki aane waale IFA mein bahut se smartphones Android Oreo ke saath hi showcase kiye jaayenge.

 

News 3

Reliance Jio crossed 1 month sale mark in just 1 day: 5million Registrations..

​

Jio phone jo aaj kal kaafi lime light mein aagya hai apni price aur offer ke kaaran usne ek naya mukaam haasil kar liya hai. Jio ne 24th August shaam 6baje se apne phone ki sale start ki thi jahan shuruat mein umeed se kahin jada traffic ke kaaran Jio ki site hi down ho gayi thi. Kisi tarah site ko wapis shuru karne ke baad Jio ne kuch kmaal hi kar diya hai.

Haal hi mein aapne suna hoga ki Xiaomi ke Redmi Note 4 ne kuch hi samay pehle 5million units ka mark cross kiya tha wahin Jio ne yeh sab 1 din mein hi kar liya hai. Reports ki maane toh 24hours mein Jio ne apne 5million Jio phone ki registrations karli hai jisme se 1million online channel se aya wahin baaki ke phones Jio ke offline partners ke dwara register kiye gaye hain jo Jio ke kmaal ke offline network ko darshata hai.  Recent Jio ke kiye survey mein nikal kar aya ki har ek Jio store mein 40 vouchers hi diye gaye lekin unke paas 200 se jada Jio users registrations ke liye aaye ur unhone sabhi ko online register karne ka sujhaav den pada tha.

Coming Monday ko ho sakta hai ki Jio ek press conference bulayega jahan par official sale numbers aur Jio ki baaki ki details btaaye jayenge.

Latest Project